放了兩天假，
第一天一早約了醫生看報告，便到中山找小琪同學去。
收到不少朋友問候病況，多謝關心。
更要多謝的是爸媽的擔心，
因為擔心本小姐，霸王莊主做了兩件很爆的事，笑到我肚攣！
爆笑之一：
我在順德等船期間，抵死妹妹致電給我，她說她正與爸媽在拜觀音。
她說：「你老豆幫你求簽，求到後要打勝杯cofirm係咪就係果支簽，點知老豆打極都打不到勝杯。」
於是霸王莊主就對觀音說：「觀音大士，係咪我今日冇食齋呀？我平時少拜神，我唔識架，有乜做錯你原諒我啦，對唔住呀觀音。」
看見平時盛氣凌人的霸王莊主變得低聲下氣，抵死妹妹忍不住偷笑，然後對老豆說：「邊有人跪係度求簽，把口仲食住支煙架？我係觀音都老點你啦。」霸王莊主即時整熄支煙。好爆笑。
爆笑之二：
霸王莊主及夫人對抵死妹妹說：「你家姐有燥狂抑鬱架，你得閒就打電話同佢傾下計啦。」
抵死妹妹很委屈的回應：「我有呀，我次次打去話掛住佢，佢都叫我比五百蚊誠意金先講，咁點呀？」
誰知霸王莊主說：「你有咪比佢囉，就下佢啦。」
哈哈哈哈....正呀，有誠意金收，條氣順返晒，乜燥狂都消失啦！
