聖誕放兩日假，本來預計好無聊地度過，點知第一日都過得算充實。最主要我去左睇中醫，本來診症情況咁私人，冇必要公開，但醫師話我既問題，我相信會引起好朋友們一番爭論，我都想聽下大家睇法。

今日未起身就收到林公子電話，話要來幫我整車，果然係義氣仔女，雖然佢噚日放左我飛機，但今日補返，總算冇識錯佢，一手一腳搞掂，比十個叻同一餐飯佢啦！

之後趕去觀塘辦續車牌手續，再去銅鑼灣睇中醫。晚上回家睡了一會再出去食飯。

我睇過唔少中醫，覺得睇得最好係救羅兆輝果個，而今日呢個中醫個款都好有料到，好似話舒淇都睇佢，等本小姐睇多三、五、七次，真係見效就介紹比一眾弱質朋友。

呢位中醫操一口流利國語，其實流利都不足以形容，應該係標準得動聽既國語。

我一坐底，佢隊兩個手墊埋黎，我當然放雙手上去，佢微微俯下上半身，雙手把我脈，眼睛閉起，神情投入之極，剎那間，佢好似個元神走左入我脈搏一樣。

我望見佢身後個錦旗寫住「救世神醫」，高人？我不期然緊張起黎，心跳快左少少，投了一口大氣，然後佢就結束把脈。

結果，醫師批我有感冒，所以腸胃不適，我想我是長期有感冒未清的。這其實不算什麼。

最恐佈的是佢搖頭嘆息，話我血氣不足，血冇左百分之二十，睇佢個表情，好負面下，百分之二十應該好嚴重。

醫師又唔比我飲冰冷野，佢話：「你受不了的！」受不了即係話我頂唔順？這句真的嚇窒我。

仲要我每晚九點、十點就上床睡覺。

我發揮我多年既國語功力，都應該極標準咁話：「我最快也要九點半下班。」

他答：「那你回家第一件事就去睡覺。」

我話：：「我睡不著呀，躺在那裡就是睡不著呀。」

他答：「你不可能睡不著，你累得厲害，早點睡，早點起來吃早餐，早上多吃一點東西。」

我聽到醫師說我累得厲害，真係想眼泛淚光。我投降了，不再和他拗。事實是身體上的疲累己撐了很久，但精神上太緊張，很難入眠。

還有一點，解開我很久的謎底。

平時大家說我食極唔飽，食好多野，但其實我食少少野好快飽，但好快餓，我仲話自己雀仔肚。

醫師今日竟然話：「你怎麼都不吃東西？餓壞了。」

我瞪大眼睛說：「我有吃呀，不過很快飽。」

他說：「你沒有飽，是胃有氣，下次覺得飽就喝點湯，把氣壓下去，過一下再吃。你餓太久了，要多吃一點東西，多吃肉多吃菜。」

下？講到我好似飢民咁，不過又難怪我成日好快餓，原來其實未飽，又或者佢話我餓，係因為早上都冇食，第一餐最早要三點先食啦。

我決定，以後戒飲凍野，其實以前試過，但好快又想飲冰凍冇氣可樂。我以後回家不上網，先睡覺，如果可以習慣地早上八點起床就好了，那是我一直想做的事，只是要告別一眾網友了。